السلام عليكم ورحمة الله وبركاته
اخواتي هنا ان شاء الله هيكون في افكار صغيرة وبسيطة لكن تريحك وتسهل عليكي وهيكون ان شاء الله متجدد والي تحب تشارك وتنفع غيرها تتفضل جزاها الله خيرا

اول فكرة هي عن حفظ البقدونس والكسبرة والخضروات الورقية لأطول وقت باذن الله

انتي يا اختي تحضري البقدونس - على سبيل المثال - تغسليه كويس جدا وتنقعيه شوية في مية وخل لتتخلصي من البكتريا والميكروبات العالقة به وبعدين تنشفيه كويس جدا ان تتركيه يتخلص من الماء تماما يا ريت ما يكونش فيه ولا نقطة مية
وبعدين تحضري ورق ابيض نظيف واياكي وورق الجرائد لانه ملئ بالسموم من الحبر وتلفي فيه الخضرة كويس وتحفظيها في علبة محكمة الغلق في التلاجة بهذه الطريقة تقدري تحتفظي بيه لمدة شهر

ولو عاوزة تحتفظي بيه لاكتر من كدة انك بقى تتركية في التلاجة حتى ينشف تمام وهنا بقي تستخدميه مجفف

وهيكون مجفف نظيف لانك غسلتيه كويس وهيكون لونه اخضر جميل وكمان عشان يفضل محتفظ بنكهته جمعي بقى الخضرة دي واحتفظي بيها في برطمان وخليها حطي منها ع المحشي او اي اكل واهي تنفع للأزمات